Ер дәулеті еңбек шеберлік сағат
Қараша айының 23-і күні Қаратай Тұрысов атындағы Школа-гимназия №53сында қазақ тілі мен әдебиеті пәнінің мұғалімі Усерова Назым Асылбекқызының ұйымдастыруымен «Дарын онлайн» платформасында «Ер дәулеті еңбек» тақырыбында іс-шара өткізілді. Аталған шараға өңірлік кәсіпкер, "Казюжгипроводстройпроект" жобалау институтының бас инженері Бекназарова Дилнара Лесбекқызы қатысты.
Іс-шара мақсаты -білім алушылардың мамандық әлемі және оның ерекшеліктері туралы дүниетанымын кеңейту; алдағы уақытта мамандық таңдауда дұрыс жолда болуына себепкер болу.
Кездесу барысында Дилнара Лесбекқызы білім алушыларды өзінің мамандыққа келу және қызмет жолымен таныстырды. Сонымен қатар, оқушыларды мамандық таңдауда қандай мәселелерге мән беру керектігі, қазіргі уақытта сұранысқа ие мамандықтар жайлы ақыл-кеңесін айтты.
Білім алушылар қонаққа өздерін қызықтырған сұрақтарын қойып, мамандық таңдау жайлы дүниетанымдарын кеңейте түсті. Әрбір сұрақтарына тұшымды жауап алған оқушылар Дилнара Лесбекқызына алғыстарын білдірді.
