Карантин мерзімінде гимназиялар мен лицей сыныптарына қабылдау үшін әңгімелесу өткізудің тәртібі.

Карантин  мерзімінде гимназиялар мен лицей сыныптарына қабылдау  үшін әңгімелесу өткізудің тәртібі.

        Қазақстан Республикасы Білім және ғылым  Министрінің 2018 жылғы 12 қазандағы №564 бұйрығымен бекітілген «Бастауыш, негізгі орта және орта білімнің жалпы білім беретін оқу бағдарламасын іске асыратын білім беру ұйымдарына оқуға қабылдаудың үлгілік қағидаларына» сәйкес 1 сыныпқа қабылдау1 маусымнан 30 тамызға дейінгі аралықта жүзеге асырылады.

       Қағиданың 10-тармағына сәйкес «Балаларды мамандандырылған білім беру ұйымдарынан, гимназиялар мен лицейлерден басқа  бастауыш білімнің жалпы білім беретін оқу бағдарламаларын іске асыратын білім беру ұйымдарының бірінші сыныбына қабылдау кезінде емтихандар, тестілеулер, сынақтар, конкурстар жүргізілмейді».

Ата-аналар  (немесе басқа заңды өкілдер):

       -сенімді ақпаратты  ұсына отырып, гимназия мен лицейлердің  1 сыныбына қабылдау үшін баласының құжаттарын  тіркейді;

      -егер балада қандай-да бір аурудың белгілері байқалса,  әңгімелесуге алып келмеуі керек;

      -   баласын бетпердемен (маска) қамтамсыз ету керек;

      -баласын әңгімелесуге  белгіленген уақытта алып келіп, аяқталғаннан кейін бірден алып кетуі қажет.

Санитарлық- дезинфекциялау режимін сақтау алгоритмі.

1. Орта білім беру ұйымында қызметкерлердің,  келушілердің,  өтініш берушілердің қолдарын залалсыздандыратын  антисептиктермен қамтамасыз ету және оларды көрінетін және қол  жетімді жерлерде орнату қажет;
2. Жедел респираторлық инфекциялар (қызба, жөтел, мұрынның  ағуы) және басқа да жұқпалы аурулардың белгілері бар қызметкерлер жұмысқа жіберілмейді;
3. Әңгімелесу өтетін кабинеттерді дезинфекциялық құралдармен заласыздандыру;
4. Есіктің тұтқаларын, баспалдақтарды, терезелерді, сантехникалық жабдықтарды  дезинфекциялық құралдарымен заласыздандыру;
5. Дезинфекциялаушы және жуғыш заттармен, антисептиктермен   жеткілікті мөлшерде қамтамасыз ету;
6. Су ішу режимі (бір рет қолданылатын стакан) сақтау;
7. Қабылдау комиссия мүшелерін, кабинеттердегі,  дәліздегі кезекшілерді, күзет және техникалық қызметкерлерді бетперделермен (маска), қолғаптармен қамтамасыз ету;
8. Балаларды және олардың ата-аналарын отырғызғында 2 метр қашықтықты сақтау;

Балаларды әңгімелесуге кіргізу

1. Білім беру ұйымының фойесінде ара қашықтықты сақтау үшін еденге сызбаларды белгілеу және адамдар көп жиналуын болдырмау; 
2. Оқушылардың температурасын байланыссыз термометрмен тексеру;
3. Өтініш берушілерді әңгімелесу өтетін кабинетке дейін және одан кейін кезекші қызметкерлердің алып жүруін қамтамсыз ету;