06
May
2020
Мұғалім күнделігі
Қаратай Тұрысов атындағы 53 мектеп-гимназиясының "Өзін-өзі тану" пәні мұғалімі Жаттоева София ШамаиловнаПедагог күнделігі
Ел басына түскен қатер, білім жүйесіне де әсерін тигізген еді. Міне, қашықтықтан оқып жатқанымызға бесінші апта. Алғашқыда біраз уайымдағанымыз рас, дегенмен қазіргі жаңа технологияның, түрлі онлайн платформалар мен ресурстардың көмегімен ұстаздар тізгінді мықтап ұстады. Қашықтықтан оқыту барысында тек мұғалімнің ғана емес ата-аналардың да баланың білім алуына жауапкершілігі айқындалды. Мұғалім баланың білімге деген құштарлығын оятушы, бағыт беруші екенін ата-аналар да түсініп жауапкершілікпен балаларды оқытуда. Бәсекеге қабілетті балаларды дайындау үшін, өздері толассыз ізденіп, әр-түрлі форматтағы ресурстарды қолданып жатыр. Мысалы: Bilim land, I-test, Daryn online, тағы басқа.
Қазіргі уақытта ұстаздар қауымы қажырлы еңбек ету үстінде. Шешуші сәт жақындады. Балаларға қорытынды тапсырмалар беріліп, бөлімдік, тоқсандық жиынтық бағалаулар алынып жатыр. Жұмыла көтерген жүк жеңіл демекші, мұғалім, оқушы және ата-ана бірігіп, бірлігі жарасса, жұмысымыз алға басатынына кәміл сенімдімін.
Мұғалім күнделігі.
Мен Байлыбеков Төленді Рахметуллаұлы, денешынықтыру пәнінің мұғалімі деген атқа ие болғаныма 21 жыл болыпты. Ұстаз - өз шәкіртінің өмірге көзқарасын, сенімін қалыптастыратын, оларға өмірден өз жолын дұрыс таба білуге қол ұшын беретін ерекше тұлға болуы тиіс. Алдыма келген әрбір балаға жеке тұлға ретінде қарап, оны қоғам талабына сай қылып тәрбиелеу, бала бойындағы дарынды аша білу менің басты міндетім деп білемін.
Еліміздегі жағдайға байланысты мектептегі оқыту жүйесі қашықтықтан оқытуға көшкені белгілі. Адамзат баласына берілген сынақты бірге көтереміз деп ойлаймын. Білім министрі Асхат Аймағанбетовтың барша қазақстандық ұстаздарға сенімі, маған зор шабыт сыйлады. Қашықтықтан оқыту алғашында қиындығы мол асу сияқты еді. Десек те, оқушыларымның сіздерді сағындық, ертерек мектебімізге барсақ екен деген сөздері жүрегімізді елжіретіп, оларға деген сағынышымызды одан сайын арттырды. Ерекше оқытудың қиыншылықтарына мойыMay, ұстаз болудың қандай екендігін барша мұғалім осы сәтте дәлелдеді.
Басқа түскен қиындық қатып қалMayды демекші, барлығымыз аман-есен осы жағдайдан шығып, алтын ұя мектебімізде жүздесейік! Біз бәрінде жеңеміз. Себебі, біз болашаққа сенеміз!!!