Жемқорлыққа қарсы күрес - СШ №53

«Сан мамандық түрі бар, таңдап, талғап бірін ал!»атты дөңгелек үстел

admin — Fri, 01 Mar 2019 00:21:18 +0600

«Сан мамандық түрі бар, таңдап, талғап бірін ал!»

атты дөңгелек үстел

Күні: 27.02 .2019 жыл

Өтілетін орны: Тренинг залы

Өткізген: Мәлімбай Т.Қ.

Мақсаты: Оқушыларға мамандық иелерімен таныстырып, мамандықтар туралы кеңестер беру арқылы қолдау көрсету. Жоспарларын анықтап, психологиялық, патриоттық күш беріп, кәсіптік бағдар көрсету.

Қайырлы күн, құрметті оқушылар мен еліміздің жарқын болашақтары!

Бүгінгі ұйымдастырылып отырған

«Сан мамандық түрі бар, таңдап, талғап бірін ал!» атты

кездесу кешімізге қош келдіңіздер!

Елбасымыз Н.Ә Назарбаев «Отанның болашағы мемлекеттің келешегі жастардың қолында, олардың өрісті ойы, өркенді ісі, табанды тіршілігі тек біліммен ұштасқан біліктің арқасында биік белестерге жетеді» деп айтқан.

«Мамандық дегеніміз не?»,қоғамға, адамдарға пайдасын тигізетін мамандықтарды қалай таңдауға болады? Жақсы маман болу үшін алға қандай мақсат керек? Осы және басқа да мәселелер туралы бүгін ой қозғайтын боламыз.

Әлемде 50 мыңға жуық мамандық бар екен және жыл сайын оған 500 - ге тарта жаңа түрі қосылып отырады екен. Олардың ішінен өзімізге қажеттісін қалай таңдауға болады? Біз олардың қаншасы туралы білеміз? Мамандық таңдауда нені бағдар ретінде алуға болады? «Мектеп бітіргеннен кейін кім боласың?» деген сұрақтарға мектеп оқушыларының көбісі нақты жауап бере алмайды. Шындығына келгенде мамандық таңдау мәселесі әсіресе біздің қоғамымыз нарықтық қатынасқа көшіп отырған жағдайда өте күрделі мәселе. Жақын арада әрқайсыңыз мамандық таңдау мәселесіне тап боласыз және өздеріңіз білетіндей 10 - сыныпта бағдарлы оқыту сыныбына көшесіз. Бүгінгі кешімізде біз осындай маңызды тақырыптарға тоқталамыз, мамандық, болашақ таңдайтын бағдарымызды таңдау стратегиясы жөнінде, кәсіби өмірлік бағытты жобалау туралы әңгімелейтін боламыз. Мамандық таңдау кезінде ескерілетін факторға тоқталамыз және дұрыс шешім қабылдауды үйренеміз.

«Сан мамандық түрі бар, таңдап, талғап бірін ал!» атты дөңгелек үстелге келген қонақтарға қойылатын сұрақтар

1. Мамандық таңдауда ең бастысы не: қабілет пе, дарын ба әлде мамандықтардың қоғамдағы беделі ме?

2. Ауыл экономикасын көтеру үшін, ауылға ең алдымен қандай мамандықтар қажет деп ойлайсыздар?

3. Белгілі бір кәсіптің иесі болу үшін міндетті түрде жоғары білім алу қажет пе?

4. Әрбір жеке адам бақытты болу үшін, тоқшылықта өмір сүруі үшін не істеу керек?

5. Еңбек нарығындағы бақталастық туралы не білесіз?

Сіздің мамандығыңыз нарық заманында бақталастыққа төтеп бере ала ма?

Әрине, кез келген қоғмда адам өмірде өз орнын табу үшін өз жанына жаққан кәсіпті меңгеріп, белгілі бір мамандық иесі болуы шарт. Ел болашағы өскелең ұрпақтың қолында.

6. Тұлға мамандық таңдар алдында нені басшылыққа алуы керек?

7. Жақсы маман болу үшін адам нені білуі керек және нені үйренуі керек?

8. Сіздер қандай маман болуды армандадыңыздар, өз мамандығыңызға келмей тұрып.

9. Қазір алдарыңызда отырған жастарға не айтасыздар? Болашақ өзінің мамандығын таңдауы үшін мамандыққа қашан, қалай дайындалуы керек?

10. Егер де, бірнеше мамандықты меңгерсе оның өмірі қандай болады деп ойлайсыздар?

11. Тұрақты бір салада, мамандығыңызбен ұзақ жұмыс жасап, еңбек ету үшін адамға қандай қабілет керек ?

12. Қазіргі уақытта ауданымызда, жалпы қоғамда өздеріңіз білетін сұранысқа ие қандай мамандықтар деп ойлайсыздар?

«Сан мамандық түрі бар, таңдап, талғап бірін ал!» атты дөңгелек үстелге қатысатын оқушыларға қойылатын сұрақтар

Үлгілерге қараймын,

Үй іргесін қалаймын,

Өрнектерді оямын,

Терезені қоямын.

«Құрылысшы»

Елде сақтап амандық,

Емдеп жұртты аман қып,

Қуантады қашан да,

«Дәрігерлік » мамандық

Денсаулығын ананың,

Денсаулығын баланың,

Денсаулығын қарттың да

Қамқорлыққа алады.

Өндіріске көптеген

Өрісі мол ток берген

Грэс, Гэс-тер жұмысын

Мен арқылы өткерген.

«Инженер»

Бойында шымырлаған алаулаған жалын.

Жақсылық жайы толғандырған жалын.

Ізгілік үшін бар ғұмырын арнап,

Ойлаумен жүр басқалардың қамын.

«Милиционер»

Елім деп соғады жүрегі,

Ұлы Отанның түлегі,

Ол ел- қорғаның,

Тыным таппай жүреді.

«Сақшы»

Оқу- білім арнасы,

Кім ол-оның анасы.

Дамытады ол адамның,

Ақыл – ойын санасын.

«Ұстаз»

Ұлттық өнер жолында,

Шеберлігін шыңдайтын

Мереке, іс-шаралар да

Өнерлі ұжым тынбайтын.

«Мәдениет»

Жағдаяттық сұрақтар

1. Ата-анаң саған бір мамандықты таңдап берді, бірақ, ол мамандық саған ұнамады. Сен ата-анаңның шешіміне қарсы боласың ба?

2. Сен өзіңе ұнаған мамандықты таңдадың, бірақ ол мамандыққа ата-анаң қарсы. Сен ол кезде не істер едің?

3. Адамның мамандық таңдауы оның әлеуметтік жағдайына әсер етеді ме?

4. «Армансыз адам қанатсыз құспен тең» деген сөздің мағынасын қалай түсінесіңдер. Сенің арманыңның орындалуына қандай да бір кедергі келіп тұр қандай шешім қабылдайсың?

5. Айжан мектепте жақсы оқыды, мектеп бітіргеннен кейін заңгер мамандығын таңдады, бірақ ол оқуына түсе алмай қалды.ал, оның құрбысы Ақгүл орташа деңгейде оқыды да заңгер маманына түсіп кетті. Сен бұған не дейсің?

Әбунасыр әл-Фараби «Адам кез келген жұмысқа жарамды бола бермейді. Жұмысты неғұрлым жетік және жақсы атқарса білгір және шебер болып шығады. Қандай әрекет, қандай іс істесек те, содан рахат табу, көру біздің мақсатымыз болып табылады » деген.

Олай болса, осы ұстанымды , бүгінгі айтылған мамандардың кеңесін есте ұстап, алға жақсы мақсат қойып, таңдаған мамандықтарының иесі болады деген оқушыларға сеніммен дөңгелек үстелімізді жабық деп

жариялаймын. Қатысып, кеңес беріп, іс-тәжірибелеріңізбен бөліскендеріңізге

көптен-көп рахмет. Еңбектеріңізге табыс, зор денсаулық, қажымас қайрат

тілеймін.

Тәрбие сағатының тақырыбы:«Мен таңдаған мамандық»

admin — Wed, 27 Feb 2019 10:35:00 +0600

Мерзімі: 26.02.2019 ж.

Сыныбы: 9 «Б»

Тәрбие сағатының тақырыбы:«Мен таңдаған мамандық»

Мақсаты:оқушыларға болашақ мамандық және оқу бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту;

Дамытушылық:оқушылардың өмір туралы, мамандықтар туралы көз қарасын дамыту, алдағы уақытта мамандық таңдауда дұрыс жолда болуына себепкер болу, таңдаған мамандығының өз бейімділігі мен қабілетіне сәйкескелуін нақтылау, өз – өзін танудың жалпы әзірлігін қалыптастыру

Тәрбиелік:мамандық таңдау мәселесін белсенді арттыру, мамандық әлемі туралы ақпарат алу арқылы және өзін тану шекарасын кеңейту арқылы мамандық бағытын таңдауда жауапты шешім қалыптастыру.

Міндеті:

Мамандықтарды талдай және таңдай білуге үйрету;

Оқушыны өзінің қабілетін, бейімін, қызығушылығын мамандыққа сай тани білуге үйрету;

Оқушылардың бағдары мен құндылықтары туралы мәлімет беру;

Оқушылардың құптап отырған мамандықтарына бағыт беру.

Әдіс - тәсілдері:«Ми шабуылы», психологиялық тест, дидактикалық ойындар, тренингтер.

Көрнекілік:мамандық туралы суреттер, мамандық аттары жазылған карточка, плакат, слайд көрсету.

Сабақ барысы:

1. Ұйымдастыру кезеңі (шарттық шеңбер құрып тілек айту, 3- топқа бөлу).

2. Оқушыларға сөз беру.

3. Постермен жұмыс.

4. Қорытынды

1. Қайырлы күн, құрметті оқушылар. Бүгінгі ұйымдастырылып отырған «Мың мамандық бәрі бар, Таңдап, талғап бірін ал!» деп, «Мен таңдаған мамандық» атты тәрбие сағатымызға қош келдіңіздер!

- Атақты ғұлама Әл – Фараби айтқандай

Ісім оңсын десеңіз,

Сол істің маманы болыңыз.

Даңқым шықсын десеңіз,

Көпшіліктің адамы болыңыз.

Әлемде 50 мыңға жуық мамандық бар екен және жыл сайын оған 500 - ге тарта жаңа түрі қосылып отырады екен. Олардың ішінен өзімізге қажеттісін қалай таңдауға болады? Біз олардың қаншасы туралы білеміз? Мамандық таңдауда нені бағдар ретінде алуға болады? «Мектеп бітіргеннен кейін кім боласың?» деген сұрақтарға мектеп оқушыларының көбісі нақты жауап бере алмайды. Шындығына келгенде мамандық таңдау мәселесі әсіресе біздің қоғамымыз нарықтық қатынасқа көшіп отырған жағдайда өте күрделі мәселе. Жақын арада әрқайсыңыз мамандық таңдау мәселесіне тап боласыз және өздеріңіз білетіндей 10 – сыныпта бағдарлы оқыту сыныбына көшесіз. Бүгінгі кешімізде біз осындай маңызды тақырыптарға тоқталамыз, мамандық, болашақ таңдайтын бағдарымызды таңдау стратегиясы жөнінде, кәсіби өмірлік бағытты жобалау туралы әңгімелейтін боламыз. Мамандық таңдау кезінде ескерілетін факторға тоқталамыз және дұрыс шешім қабылдауды үйренеміз. Енді осы мамандық дұрыс таңдау жайлы оқушыларымыздың ойын тыңдасақ

2. 1-оқушы:Мамандық таңдау – ол өмірлік таңдау. Өзінің қай салада қабілеттілгінің бар екенін 40 жасқа келгенде біліп, қайтадан мансабыңның іргетасын салмас үшін қазірден бастап дұрыс шешім қабылдаған жөн.

2-оқушы: Менің таңдаған мамандығым – байланысшы болу. Қазіргі таңда байланыс саласы адамзаттың басты қажеттілігі болып табылады. Бұл салада жұмыс істейтіндердің міндеті – сапалы ақпарат жеткізу. Бүгінгі күні байланысшы мамандығын таңдауда қателеспегеніме сенімдімін. Ол үшін «ең бастысы –өз кәсібіңді жан –тәніңмен сүю және бар болмысыңмен бұдан да артығырақ жасауға ықыласты болу».

3-оқушы;Болашақта үлкен мамандық иесі болатынын армандамайтын бала болмайды. Алғашқы кезде біздің ойымызда «Қоғамға, адамдарға пайдасын тигізетін мамандықты қалай таңдауға болады?» деген сұрақ болды. Бірақ әркім өзі ұнатқан мамандығына оқуға түседі

4-оқушы: Мамандық таңдау – тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігінесайкәсіптүрінтаңдау..Бұлөтежауапкершіліктіжәнемаңыздыіс. Мамандық таңдау да әр адам өзінің қызығушылығына, қабілетіне, бейімділігіне, қалауына сүйену керек.

3. Енді топтық жұмысқа кезек берсек

1-топ: Дәрігер

2-топ: Информатик

3-топ: Бизнесмен

Қорытындылай келгенде,бұл мамандықтарға деген бірқалыпты тұрақты сұраныс деп аталады. Өзінің сұранысын, қызығушылығын жоймаған кең тараған мамандықтарға дәрігер, мұғалім және құрылысшы мамандықтарын атап өтуге болады. Ал, өзекті мамандықтар қатарына жоғары технология, байланыс, коммуникация, әлеуметтік орта, экономиканы басқару мамандықтары және еңбек сұранысына қажетті жаңа мамандықтары жатады. Қоғамның дамуында біздің өңірде, қазба - байлықтарын игеретін мамандық иелері қажет.

10 «А» сыныбында «Мамандықты дұрыс таңдау - табысты өмірдің кілті» атты тақырыбында 25.02.2019 ж. дөңгелек үстел өтті.

admin — Tue, 26 Feb 2019 10:59:00 +0600

Қ.Тұрысов атындағы

№53 мектеп - гимназиясы

10 «А» сыныптың

Анықтамасы

10 «А» сыныбында «Мамандықты дұрыс таңдау - табысты өмірдің кілті» атты тақырыбында 25.02.2019 ж. дөңгелек үстел өтті. Дөңгелек үстелге сынып түгел қатысты. Дөңгелек үстелдің мақсаты:оқушыларға мамандық таңдау, олардың әдістері туралы білімдерін, түсініктерін кеңейте отырып, мамандықтарға деген ынта-ықыласын, қызығушылықтарын арттыру, бағыт-бағдар беру және психологиялық қолдау көрсету.

Мамандық таңдау деген өзің айналысқың келетін жұмысты таңдау ғана емес, өзің араласқың келетін ортаны таңдау. Қазақ «Адам екі түрлі жағдайда қателеспеу керек: бірі-жар таңдағанда, екеншісі-мамандық таңдағанда» деп бекер айтпаса керек.

Әр адам өз қабілетіне, икемділігіне қарай сәйкес мамандық таңдау тиіс. Бүгінгі таңда нарықтық экономиканың өсудегі жоғарғы қарқынын жалғастыра алатын серпінді дамып келе жатқан кадрлар даярлау мәселесі алға қойылған. Ауыл шаруашылығын дамытуға көптеген мамандықтар қажет.

«Мамандықтың жаманы жоқ, бірақ, мұның кез- келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе» Ж. Аймауытов.

Әлемде 40 мыңға жуық әр түрлі мамандықтар бар.Статистиктердің зерттеуі бойынша жыл сайын 25 млн. Адам өзінің жұмыс орнын ауыстырып, оның 12%-ы қайтадан өз орнына қайтып оралады екен. Бұдан мамандықты таңдауда әр маман қателесіпті деуге болама? «Мамандық- дегеніміз не?» Қоғамға, адамдарға пайдасын тигізетін мамандықтарды қалай таңдауға болады? Осы және тағы басқа мәселелер туралы бүгін ой бөлісетінімізді айтып кеттім.

Мамандық- қарапайым өмір сүру көзі болып табылатын және қандайда бір дайындықты, жауапкершілікті талап ететін еңбек қызметінің маңызды бөлігі. Жалпы мамандық таңдау кезінде бір –бірімен тығыз байланысты екі нәрсені мұқият ескеріп, басшылыққа алған жөн.

1. Бұл мамандық маған не береді? Осы мамандықты таңдасам, өзімнің қабілетімді түгел жұмсап, өзімді - өзім көрсете аламынба?

2. Бұл мамандықты меңгерсем, халыққа, қоғамға қандай пайда келтіре аламын дей отыра, видеоролик көрсеттім. Осы жерде оқушылар өз ойларын еркін жеткізді.

Интербелсенді тақтаны пайдаланып пікірталас жүргіздім. Оқушыларға мынадай сұрақтар қойылды :

1) Мамандық таңдауда нені есепке алу керек?

2) Адамның қандай қасиеттері кәсіби түрде қажет?

3) Адам кәсіби жұмыста қалай табысқа жете алады?

4) «Маман иесі» дегенді қалай түсінуге болады?

5) Алдағы уақытта қандай маман иесі болатыныңыды, қандай бағытты, қандай оқу орнында оқитыныңды және де өзіңнің болашақ кәсіби қызметің туралы білесің бе? Осы туралы ойладың ба?

Осы сұрақтарға, Нұрсейтова Жанерке өзінің болашақта дәрігер болатынын, дәрігер өте қиын мамандық екенін, оған әр қашан білімді, адамгершілігі мол, қиындықтарды жеңе білу керек екенін айтты.

Ата-ананың арманы-баласын дүниеге әкелген соң, қызығын көру. Қазақта сөз бар: «Жақсы бала- сүйік, жаман бала- күйік» деген. Осы айтылған сөздің түбінде үлкен ой жатыр. Әрбір ата-ана баласының қызығын көруді армандайды, білімді болғанын қалайды, өмірден өз орнын тапса екен деп жатса да, тұрса да алладан сұрайды.

Оқушылармен «Ең жақсы» ойынын жүргіздім: бұл жерде мамандықтардың кейбір ерекше мінездемелерін ұсындым, ал оқушылар берілген мінездемеге сәйкес келетін мамандықты атап отырды:

Ең ақшалы банк қызметкері, экономист.

Ең жауапты сот.

Ең тәтті аспаз, кондитер.

Ең салмақты мұғалім, заңгер.

Ең қарым-қатынасы күшті бизнесмен.

Ең күлкілі Клоун.

Ең жасыл бақташы.

Ортаға: Жанерке, Айжан, Алдияр, Нұрдәулер, Рустам, Жанель, Дильназды шығарып «Егер мамандық иесі болсаң не істер едің.....» ситуациялық сұрақтар қойдым:

«Дәрігер.Ауырған адам сізге келіп, қойған диагнозбен келіспейтінін айтты. Сіздің шешіміңіз?» сонда Нұрдәулет- былай жауап берді: мен дәрігермін – сіздің анализдеріңіз арқылы диагнозыңызды айтып отырмын. Маған сенбесеңіз басқа дәрігергеанализдерінізді апарып көрсетсеңіз. Мен қойған диагнозды айтып береді деді.

Мұғалім.Сабаққа ата-ана қатысып отыр. Үй тапсырмасын сұрадыңыз, ешбір оқушы дайын емес. Не істер едіңіз? – бұл сұраққа Жанерке былайдеп жауап берді: оқушыларға еш ашуланбастан, үй тапсырмасын тақтаға орындатар едім. Ары қарай бүгінгі сабақтыбастап кетер едім деді.

Журналист.Жазған мақалаңыз кейбір жандарға ұнамай, сізге ескерту жасады, қорқытты, Не істер едіңіз?- Нұрдәулер – мақаламды ары қарай жазар едім, ешкімнен қорықпай. Әр оқушы өзіне қойылған ситуациялық сұрақтарды нақты жауап берді. Шағын викторина қою арқылы оқушылардың білімдерін тексердім.

Оқушыларға кеспе қағаздарға жазылған мамандықтар таратылады, ал олар сол мамандықтарды ыммен көрсетуге тырысуы керек. Қалғандары сол мамандықты табу керек.

(Хатшы, Мұғалім, Кітапханашы, Бухгалтер, Банк қызметкері, Сатушы, Дәнекерлеуші, Әнші, Журналист, Дәрігер, Заңгер, Суретші, Шаштараз) оқушылар бұл ойында да өздерінің мамандықты білетінін көрсетті.

Оқушыларға квадрат, зигзак, шеңбер, үшбұрыш фигураларын тараттым. Оқушылар өздерінің қалағанын алды. Мен оларға осы фигуралардың қасиеттерін айтып кеттім:

Квадрат.Сенде төзімділік, шыдамдылық, еңбекқорлық дамыған. Өз айналаңа адамдарды жинап ұйымдастыру, реттеу және жүйелеу қабілетін баршылық. Сенен үздік администратор шығады.

Зигзаг.Сенде әсемдікті көре білу қабілетін жоғары қалыптасқан, сондай-ақ шығармашылық қабілетің, ой-өрісің дамыған. Сенде табиғи өткіройлылық бар, өз айналаңа қабілетті адамдарды жинай аласың. Сені шаблондар, ережелер, нұсқаулар қызықтырмайды. Бастаған істі аяқтауға төзімділіктің жоқтығы бөгет жасайды.

Шеңбер.Сенде адамгершілік жоғары дамыған.Сен өз әріптесіңді тыңдай аласың және оның қайғысы мен қуанышын бірге бөлісесің, басқаның ауыртпалығына жәрдемдесу қабілетің жоғары қалыптасқан. Саған жеке адамдар арасындағы кикілжіңдер тән емес, өзіңді олардан аулақ ұстайсың. Сенен үздік психолог шығуы мүмкін.

Үшбұрыш.Саған басқарушылық қасиет тән. Өз көздкген мақсатыңа қол жеткізуге барлық мүмкіншілігіңді жасайсың. Өзіңе сенімдісің және жеңіске, жетістіктерге, ұтыстарға оңай қол жеткізесің. Айтқанынан шықпайсың, абыройлысың. Сен қоғамда, өмірде жоғары жетістіктерге қол жеткізесің, жұмысыңда жоғарыға көтерілуге бейімділігің бар.

Қорытынды:Әбунасыр Әл Фараби: «...адам кез-келген жұмысқа жарамды бола бермейді. Жұмысты неғұрлым жетік және жақсы атқарса білгір және шебер болып шығады. Қандай әрекет, қандай іс істесекте содан рахмет табу, соның рахатын көру біздің мақсатымыз болып табылады»,-деген.

Сенбе жұртқа тұрса да қанша мақтап,

Әуре етеді ішіне қулық сақтап.

Өзіңе сен өзіңді алып шығар,

Еңбегің мен ақылың екі жақтан

Сынып жетекшісі: Мамралиева Г.А.

«Жаңартылған білім беру міндеттерін шешуге бағытталған оқытудың технологиялары мен тәсілдерін қолдану»

admin — Tue, 22 Jan 2019 22:13:28 +0600

«Жаңартылған білім беру міндеттерін шешуге бағытталған оқытудың технологиялары мен тәсілдерін қолдану»

2018 жылдың 11 желтоқсан күні «Жаңартылған білім беру міндеттерін шешуге бағытталған оқытудың технологиялары мен тәсілдерін қолдану» тақырыбында өткізілген қалалық семинар өткізілді. Семинарға қала мектептерінің 3,6,8-сыныптарға сабақ беретін 120 мұғалім қатысты. Семинарда Тәттібекова А.М., Амиреева К.Ж., Сейтбекова М.И. Усерова Н.А.тәжірибелі мұғалімдермен қатар, Ермағанбетова Р.А., Нұрмаханова С.Б., жас маман Кандашбек Ш.А. коучинг, сабақтар өткізді.

Қаратай Тұрысов атындағы №53 мектеп-гимназиясының «Жас Ұлан» балалар мен жасөспірімдердің Ұлы Отан соғыс ардагерлерін 9 – Мамыр «Жеңіс күні» мейрамымен құттықтау туралы мәлімет

admin — Sat, 05 May 2018 04:46:43 +0600

Қаратай Тұрысов атындағы №53 мектеп-гимназиясының «Жас Ұлан» балалар мен жасөспірімдердің Ұлы Отан соғыс ардагерлерін 9 – Мамыр «Жеңіс күні» мейрамымен құттықтау туралы мәлімет

Мектеп – гимназия директоры Қойлыбаева Э. С.

2017 жылы 14 желтоқсан күні өткізілген «Тәуелсіздік құндылықтары: өткенге тағзым, болашаққа аманат» тақырыбындағы облыстық ғылыми- практикалық конференция

admin — Thu, 14 Dec 2017 23:39:23 +0600

2017 жылы 14 желтоқсан күні өткізілген«Тәуелсіздік құндылықтары: өткенге тағзым, болашаққа аманат» тақырыбындағы облыстық ғылыми- практикалық конференция

2017 жылы 14 желтоқсан күні өткізілген «Тәуелсіздік құндылықтары: өткенге тағзым, болашаққа аманат» тақырыбындағы облыстық ғылыми- практикалық конференциясында директордың тәрбие ісі жөніндегі орынбасары Жаныбекова Гүлжахан Есенбекқызы алғыс хатпен марапатталды.

Мектеп іс-шаралар

admin — Fri, 10 Nov 2017 22:28:17 +0600

Қаратай Тұрысов атындағы №53 мектеп - гимназиясының директоры Қойлыбаева Эльмира Серікқызының сабақтарынан көрініс