Әкімшілік - СШ №53

Төлеу Салтанат Ерсағатқызы

admin — Tue, 23 Apr 2024 11:56:39 +0600

Мен, Төлеу Салтанат Ерсағатқызы, 1969 жылы 22 қыркүйекте Ақтөбе облысы Шалқар қаласында дүниеге келдім. 1976 жылы №2 орта мектепке 1-сыныпқа бардым. 1986 жылы мектепті үздік тәмамдап, С.М.Киров атындағы Қазақ мемлекеттік университетінің «Механика және қолданбалы математика» факультетіне түстім. 1991 жылы аталған оқу орнын бітірдім.

1992 жылдың 1-қыркүйегінен 2002 жылдар арасында Қызылорда облысы, Қазалы ауданы, Жалаңтөс батыр ауылының №103 орта мектебінің математика, информатика пәнінің мұғалімі, 01.09.2002 - 03.07.2003 жылдар аралығында Қызылорда облысы, Қазалы қаласының №16 орта мектебінің математика, информатика пәнінің мұғалімі, 03.09.2003-15.08.2007 жылдар аралығында Тараз қаласы Жамбыл атындағы №5 орта мектепте информатика пәнінің мұғалімі, 15.08.2007-19.09.2012 жылдар аралығында Тараз қаласы Бауыржан Момышұлы атындағы №45 қазақ классикалық гимназиясы директорының ғылыми-әдістемелік ісі жөніндегі орынбасары, 19.09.2012-01.08.2022 жылдар аралығында Тараз қаласы Жамбыл атындағы №5 мектеп-гимназиясының директоры лауазымы қызметтерін атқардым.

01.08.2022 жылдан осы уақытқа дейін Тараз қаласы Қаратай Тұрысов атындағы №53 мектеп-гимназия директоры қызметіндемін. Педагог-зерттеуші информатика пәнінің мұғалімі мен І санатты басшы біліктілік санаттарым бар.

Жолдасым 1967 жылы туылған Нұржаубаев Сакен Абилханович-ветеринария саласының қызметкері. 1991 жылғы қыздарым Нуржаубаева Гульсая Сакеновна-PhD доктарант, оқытушы мен 1995 жылғы Әбілхан Гүлнафис Сакенқызы ағылшын тілінің мұғалімі тұрмыста. 1998 жылғы ұлым Әбілхан Дәурен Сакенұлы қаржы саласының қызметкері.

Еңбек жылдарымда көптеген байқаулар мен конкурстардың жеңімпазы атанып, шәкірттерім білім конкурстары мен олимпиада жүлдегерлері болды. Сонымен қатар дайындаған шәкірттерім еліміздің математика, IT-саласының білікті мамандары болып қызмет атқаруда.

Қызметтегі адал, үлгілі жұмыстарым үшін 2019 жылы Білім және ғылым министрі К.Шәмшидинованың «Құрмет грамотасымен», 2021 жылы Тараз қалалық маслихатының «Құрмет грамотасымен» және Жамбыл облысы әкімі Б.Сапарбаевтың «Облысқа сіңірген еңбегі үшін» белгісімен марапатталдым.

ҚҰТТЫҚТАЙМЫЗ!

admin — Tue, 21 Feb 2023 17:15:07 +0600

Жамбыл облысы әкімдігінің білім басқармасы Педагогикалық шеберлік орталығы ұйымдастырған жетекші мектептердің «Функционалдық сауаттылық – инновациялық үдерістердің мақсаты мен нәтижесі» облыстық форумының TEDx алаңында іс-тәжірибесімен бөліскені үшін мектеп - гимназиямыздың директоры Төлеу Салтанат Ерсағатқызы алғыс хат иеленді.

ҚҰТТЫҚТАЙМЫЗ!

admin — Sun, 28 Aug 2022 14:45:44 +0600

Тараз қалалық білім бөлімінің ұйымдастыруымен “Білімді ұлт: терең білім,еңбекқорлық және отаншылдық қасиет” тақырыбында білім беру қызметкерлерінің қатысуымен өткен тамыз кеңесінде Қаратай Тұрысов атындағы № 53 мектеп-гимназиясының директордың ғылыми әдістемелік ісі жөніндегі орынбасары Ертуганова Балжан Юлдашбековна Қазақстан Республикасының оқу ағарту министрлігінің “Орта білім беру ісінің үздігі” құрмет дипломымен марапатталды. Марапатыңызбен шын жүректен құттықтаймыз, алар асуыңыз шығар шыңыңыз көп болсын!

"Рухани жаңғыру" баяндама

admin — Thu, 18 Mar 2021 16:24:18 +0600

Рухани жаңғыру

Бұл жаңғыру-тарихи сәт сауапты,

Сауапты іске бәріміз де жауапты:

Тұлпарымыз озсын десек бәйгеде,

Ұрпағымыз болсын десек сауатты.

Бұл жаңғыру – Туған жерді түлету,

Ен даланың кең құшағын гүлету.

Серік Сейтман

Рухани жаңғыру... Қазіргі кезеңдегі ең өзекті мәселенің бірі, еліміздегі әрбір істің бастауы болған , БАҚ бетін дуылдатып жатқан сөздің бірі осы-рухани жаңғыру. Ал, рухани жаңғыру дегеніміз не? Осы мәселені жүзеге асыруда, бойымызға сіңіруде, өз ұрпағымыздың санасына сіңіруде неге көңіл бөлуіміз керек? Қандай іс-шаралар жасауымыз қажет? «Мен осы бір сөздің мәнін басқаларға қалай түсіндіремін?» деген ой әрқайсымыздың санамызға келері анық. Әсіресе, жас ұрпақ тәрбиелеп отырған мектеп қызметкерлері үшін ең басты мәселе десек, қателеспейтін шығармын.
Ежелден ұлы дала қойнауын мекен еткен халқымыз қашан да көзі ашық, көкірегі ояу болған. Заман ағымынан қалмай, басқалардың оң өзгерістерін бойына сіңіріп, өзге елдермен терезесін тең ұстауға тырысқан. Дана Абай айтқандай, дүниеден өз кетігін тауып, қаланған. Демек, бабалардан мирас болып, қанымызға сіңген ұлттық – рухани тамырымыздан нәр алып, заман талабына сай қоғамдық санамыздың өзгеруі заңды құбылыс.Рухани жаңғыру – адам баласының оның ішкі әлемінің жаңаруы, сана-сезімі, жаңа өзгерісті қабылдай білуі. Бұл дегеніміз - ұлтымыздың барлық ұлттық салт-дәстүрлерін, мемлекеттік тіліміз бен әдебиетімізді, мәдениетімізді, ұлттық рухымызды жаңғырту деген асыл ұғымға келіп саяды.
Бүгінгі таңда әлем көз ілеспес жылдамдықпен өзгеріп жатыр. Осы тұрғыда тұңғыш Елбасы Н. Ә. Назарбаевтың «Болашаққа бағдар: рухани жаңғыру» атты бағдарламалық мақаласы елді жарқын болашаққа бастайтын даңғыл жол болмақ.Тұңғыш Президент өз сөзінде: «Мен барша қазақстандықтар, әсіресе, жас ұрпақ жаңғыру жөніндегі осынау ұсыныстардың маңызын терең түсінеді деп сенемін. Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы», -деп ел келешегіне үміт артады. Ендеше, сенімнен шығып, бағдарламалық мақалада көрсетілген ел дамуының жарқын үлгісі мен нақты қадамдарын барша қазақстандықтар келелі ойға салып, салиқалы пікір мен батыл шешімдерге ұмтылғаны абзал дер едім. Себебі, онда Елбасы Қазақстан үшін қайта түлеудің айрықша маңызды екі үдерісі – саяси реформа мен экономикалық жаңғыруды қолға ала отырып, Біртұтас Ұлт болу үшін болашаққа қалай қадам басатынын және бұқаралық сананы қалай өзгертетіні жөнінде алысты болжайтын көзқарастарымен бөліседі. Бұл әрине бүгінгі жаһандану кезеңінде Қазақстанның игілігіне жарату жолындағы мақсат-мүдделер туралы өзекті мәселе көтеріліп отыр.Ұлан -ғайыр қазыналарымызды қалпынша қолданып, қорғау, бір мақсатпен межелеген межеге жету арқылы түрлі саяси- радикалды идеалогияларға тосқауыл болудың бағдарын ұсынды. Ұлттық бірегейлікті сақтау. Елбасымыз үшінші қағидасында ұлттық код, яғни халқымызға тән салт-санамыз, асыл мәдениетіміз бұлардың барлығы бойымызда жалындап, үні шырқалып тұруын баса айтты, сонда ғана алға басулар болатынын ескертті. Білімнің салтанат құруы. Қазіргі таңда білім бағдарламаларының елімізге ұтымды үлес қосып келе жатқанын айта келіп, табыс тізгіні – білімді болашақ жастардың қолында екеніне баса назар аударды.Елбасымыздың рухани жаңғыруға, руханиятқа, білім, ғылымға маңыз беруі - үлкен көрегендік пен ұлттың алға ілгерлеуін жылдам қарқынмен жылжытатын қозғаушы күш. Бұл - тәуелсіз еліміздің бақытты болашағы мен алаңсыз келешегі үшін жасалып жатқан жұмыс. Өйткені, рухани байлықтың кемел болғаны бұл жеке азаматтарымыз үшін де, әрбір жеке тұлғадан құралған қоғам, туған еліміз үшін де өте маңызды үдеріс.Жаһандық жаңғырумен қатар рухани жаңғыруды тең ұстау – бүгінгі күннің басты талаптарының бірі. Рухани жаңғырудың басты шарты білім екені даусыз. Қазақтың ұлы ұстазы Ахмет Байтұрсынов кезінде: «Елді түзетуді бала оқыту ісінен бастау керек», – деген еді. Білімге қатысты бұл ой-пікір бүгін де өз өзектілігін жойған жоқ. Қазіргі таңда жастарға білім беру жаңа идеяларды, жаңаша оқытудың тиімді жолдарын тауып, оларды жан-жақты қолдануды, білім сапасын жетілдіруді талап етеді. Бұған дәлел, жаңартылған оқу бағдарламасымен оқыта отырып, біз жан-жақты, өмірге қабілетті тұлғаларды тәрбиелеп отырғанымызға күнде көз жеткізудеміз.
Кез келген ірі мақсатқа әуелі оны идеологиялық тұрғыдан қамтамасыз етіп алғаннан соң ғана жетуге болады. «Рухани жаңғыру» бағдарламасы беретін бағдармен оқытып, тәрбиелеу арқылы жас ұрпақты халқымыздың тарихын, мәдениетін, тілін қадірлеп, оны өмірде қолдана білетін және бірінші кезекте өз елінің жетістіктеріне үлес қосып, соны мақтаныш тұтатын азамат етіп сомдауға боларына күмән жоқ. Білімді әрі рухани тұрғыда кемел дамыған адамдар ғана заманның жаңа талаптарына сай қоғам дамуына өзіндік үлес қоса алады. Сондықтан ұстаздар қауымының басты міндеті – жастарға терең білім мен өнегелі тәрбие беру, сол арқылы ұрпақ бойына ұлттық кодты сіңіре білу. Осыны жан-тәнімізбен сезініп, рухани жаңғыру шараларын жүргізуді жарқын болашаққа бағдар ретінде қабыл алуымыз керек.«Мәңгілік ел» болуымыз үшін бізге ауадай қажетті қасиеттер мен құндылықтардың қайнары тоғысып, ақыл-парасаты толысқан, ғаламдық ғылымды игерген адамдар көп болса, еліміз өркениетті, бәсекеге қабілетті болатыны ақиқат. «Болашақта ұлттың табысты болуы оның табиғи байлығымен емес, адамдардың бәсекелік қабілетімен айқындалады...
Қорытындылай келе алда әлі ұзақ жол, үлкен асулар бар. Сол асулар мен қиындықты жеңу үшін білектің күші мен найзаның ұшы керек емес. Оған тек жүрек пен білім, талант пен талап керек. Қазақ елінің абыройын асырып, мерейін үстем етер, әлем таңғалар, талай-талай жаңалық ашар білімділер керек. Осы Тәуелсіз еліміздің намысын қорғайтын, бүгінімізді ертеңіне жалғайтын, қазақ елінің ертеңі, болашағы үшін жауап беретін бүгінгі ұрпақ екенін сезінейік. Жаңа жағдайда жаңғыруға деген ішкі ұмтылыс-біздің дамуымыздың ең басты қағидасы. Осы жолда ерінбей, талмай қызмет атқару-біздің міндетіміз.

Койлыбаева Эльмира Сериковна

admin — Mon, 14 Dec 2020 09:32:50 +0600

Койлыбаева Эльмира Сериковна

Қойлыбаева Эльмира Серікқызы- Қаратай Тұрысов атындағы №53 мектеп –гимназиясының директоры, оқушылары тарих пәнінен қалалық, облыстық, республикалық олимпиаданың жүлдегерлері, қалалық мектеп директорларының арасында өткізілген «Іскер көшбасшы» байқауының жеңімпазы, тәжірибесі облыстық, республикалық ғылыми- практикалық семинарларда таратылған, еңбектері халықаралық сайттарда жарияланған.

«Үздік директор» байқауында І дәрежелі диплом, «Үздік педагог» байқауында ІІІ дәрежелі дипломмен марапатталды

admin — Thu, 22 Oct 2020 15:02:19 +0600

Мектеп -гимназия директоры Қойлыбаева Эльмира Сериковна «Ұстаз тілегі» республикалық ғылыми-әдістемелік орталығы ұйымдастырған «Үздік директор» байқауында І дәрежелі диплом, «Үздік педагог» байқауында ІІІ дәрежелі дипломмен марапатталды

Мектеп әкімшілігі

admin — Fri, 10 Nov 2017 22:05:43 +0600

Қойлыбаева Эльмира Серікқызы- Қаратай Тұрысов атындағы №53 мектеп –гимназиясының директоры, оқушылары тарих пәнінен қалалық, облыстық, республикалық олимпиаданың жүлдегерлері, қалалық мектеп директорларының арасында өткізілген «Іскер көшбасшы» байқауының жеңімпазы, тәжірибесі облыстық, республикалық ғылыми- практикалық семинарларда таратылған, еңбектері халықаралық сайттарда жарияланған.

Ертуганова Балжан Юлдашбековна- директордың ғылыми-әдістемелік ісі жөніндегі орынбасары, қалалық «Биология пәнінің үздік оқытушысы» байқауында І орын иеленген. Биология пәнінен оқушылары қалалық, облыстық олимпиада жеңімпаздары

Даданбаева Эльмира Тоқтасынқызы– директордың оқу-тәрбие ісі жөніндегі орынбасары, облыстық «Үздік оқу-әдістемелік құрал» байқауының бас жүлдегері, «Менің инновациялық сабағым» байқауында ІІІ орын, Жамбыл облыстық «Педагогтің инновациялық іс-әрекеті – білім сапасын арттырудың факторы» тақырыбындағы мектеп басшыларына арналған конференцияда алғыс хатпен марапатталған, ҚР Білім және ғылым министрлігінің «Оқулық» республикалық ғылыми- практикалық орталығының сарапшысы, оқушылары қалалық, облыстық пән олимпиадасының жүлдегерлері.

Төлебекова Рахат Амантайқызы – директордың бастауыш сыныптарындағы оқу-тәрбие ісі жөніндегі орынбасары, Жамбыл облысы әкімдігінің білім басқармасының Құрмет грамотасымен, ҚР Білім және ғылым министрлігінің «Оқулық» республикалық ғылыми- практикалық орталығының сарапшысы, «Оқулық» ғылыми- практикалық орталығының мектеп оқулықтарына сараптама жасауда белсенді үлес қосқаны үшін алғыс хатпен марапатталған, оқушылары республикалық «Ақбота» интеллектуалды марафонының жүлдегерлері

Тилляев Дархан Әуесханұлы– директордың оқу-тәрбие ісі жөніндегі орынбасары сызу пәнінен оқушылары қалалық, облыстық олимпиада жеңімпаздары, «Қызғалдақтың Отаны- Қазақстан» республикалық шығармашылық жоба байқауының жүлдегері

Жаныбекова Гүлжахан Есенбекқызы– директордың тәрбие ісі жөніндегі орынбасары, ҚР Білім және ғылым министрлігінің «Оқулық» республикалық ғылыми- практикалық орталығының сарапшысы, оқушылары республикалық «Ақбота» интеллектуалды марафонының жүлдегерлері

Сәдірмекова Қарлығаш Сағатбекқызы – директордың құқықтық-тәрбие ісі жөніндегі орынбасары, ҚР Білім және ғылым министрлігінің «Оқулық» республикалық ғылыми- практикалық орталығының сарапшысы, облыстық «Үздік оқу-әдістемелік құрал» байқауында бас жүлде, «Менің инновациялық сабағым» байқауында ІІІ орын, Жамбыл облысының прокуратурасының «Менің елім- Қазақстан» патриоттық фестивальге белсене қатысқаны үшін алғыс хатпен, қалалық білім беру жүйесін дамыту мен жетілдіруге қосқан үлесі үшін алғыс хатпен марапатталған, оқушылары қалалық, облыстық пән олимпиадасының жүлдегерлері.

Кенжеқұлов Нүркен Айтбекұлы –талдау-болжамдау орталығының меңгерушісі, ІІІ қалалық математика пән мұғалімдерінің олимпиадасының ІІ орын иегері , оқушылары қалалық, облыстық ғылыми жоба байқауының ІІ және ІІІ орын, облыстық «Зерде» логикалық пән олимпиадасының жүлдегерлері, Республикалық «Ақбота» марафонының жұлдегерлері, ҚР Білім және ғылым министрлігінің «Оқулық» республикалық ғылыми- практикалық орталығының сарапшысы, «Математикалық логика» авторлық бағдарламасы облыс көлемінде таратылған

Мектеп директоры

admin — Tue, 13 Jun 2017 21:37:51 +0600

Койлыбаева Эльмира Сериковна– 1970 жылы 12 ақпанда, Түлкібас ауданындағы «Жас Кешу» колхозының Корниловка ауылында дүниеге келген. 1977 – 1987 жылдар аралағында С.Сейфулин атындағы орта мектебінде білім алған. Білімі жоғары. 1987 – 1992 жылдар аралығында Алматы қаласындағы Қазақ мемлекеттік Қыздар педагогикалық институтының «Тарих» факультетінде білім алған.

1992 – 2006 жылдар аралығында Тараз қаласындағы Жамбыл атындағы №5 орта мектебінде тарих пәнінің мұғалімі, 2006 жылдың 16 қаңтарынан бастап аталмыш мектепте директордың талдау-болжамдау орталығының орынбасары қызметін атқарды. 2008 жылдың 16 сәуірінен бастап №25 орта мектебінің директоры қызметін атқарды. 2010 жылдың қазан айынан бастап қазіргі күнге дейін №53 орта мектебінің директоры қызметін атқаруда.